viit.vu emi website blong Vanuaku Inter Island Trading (VIIT). VIIT emi wan business we i kam blong helpem yu long saed blong Salem ol Prodak mo ol Sevis we yu kat. VIIT emi wan local kampani mo emi stat long 2019. VIIT i bin stap operatem ol business sapot sevis blong hem nomo since 2019 lo shadow. Long year ia 2025, VIIT is stap ready blo kamout long General publik blong start salem ol prodak mo Sevis blo hem.
VIIT i kat bigfala experiens long business operation blo government wetem blong praevet. Mifala kat over 12 year experience long use blong Infomesen Technology blo mekem manejmen blo bisniss blong yu i mo isi. Wetem over 12 yia eksperiens long sapot servis i ko long ol government experts mo operations, mifala save gud ol standed fasin blong operatem ol process blong wok blong yu wetem innovation mo technology.
Mifala jusum Vanuaku from business ia i setup especially blong helpem ol smol smol Man Vanuatu.
Smol Smol man emi wan narafala toktok semak olsem toktok ia Kras roots, Vanuatu tu i kat ol klass mo smolsmol man emi lowes klass. Usually emi krup ia we oli no kat gudfala akses lo edukesen mo wan wok long gavman or long wan bigfala industry pleia long vanuatu.
Mifala i kat ol nara prokram tu. Mifala no salem ol prodak mo sevis nomo mbe mifala i wantem blong provaedem wan bridge we i save karem ol smolsmol man long ples blong ol smolsmol man i kam long ples blong ol Man. Mfala i mekem emia tru long Ol narafala Bisnis Platfrom blong mifala.
OUR ADDRESS : UNELCO POST NUMBER 416-212, NARROW STREET, FRESHWATER-4 SUBURB, FRESH WATER TASIRIKI WARD, PORT VILA, VANUATU MOB: 5069733/76792694 EMAIL: This email address is being protected from spambots. You need JavaScript enabled to view it.
Lukluk blong Viit
Yumi Everiwan Ol Man mo Woman Ples i Kat Laesens blong Mekem Bisnis
Wokabaot blong Viit
Lidim aksen plan blong VII T Trading Framework (VII T F) tugeta wetem ol Smol mo Midyum Entapraes , Ol Praemeri Produsa mo ol narafala Player blong Ekonomi blong kantri long Vanuatu blong mekem olgeta samting ia i mas happen
- Everi memba blong VII T F oli mas kat License blong salem ol prodak mo sevis blong olgeta.
- Ol fasin blong wok blong memba blong VII T F i kat kualiti long hem
- Ol fasin blong wok blong memba blong VII T F i mas oltaem mo oltaem jenis blong kam gud blong allawem ol access lo ol narafala gudfala fasin tu we oli stap follem long ol narafala ples blong wol
- VII T F Quality Skel blong Trade i follem everi Lo blong Gavman blong Vanuatu, Ol fasin blo Christianity mo ol fasin blong Melanesia
- VII T F Quality Skel blong Trade i follem everi gudfala fasin we oli stap usum long ol narafala ples blong wol
- Vanuatu mo ol Nara Kantri long wol oli mas luksave mo save Ol Prodak mo ol Sevis blong ol memba blong VII T F
Ol Fasin blong Viit
- VIIT Business Plan
- Ol Kontrak insaed long VIIT Bisnis Plan
- Kualiti blong ol Prodak mo Seveses insaed long VIIT Business Plan
- Harem gud blong ol Konsuma
- Respek
- Uniti
- Solidarity
- Transparenci
- Akaontabiliti
- Risej mo evaluasen